15.01.2026 | 16:24
Արման Ծառուկյան․ Բոլորը վախից փախչում են ինձանից
WSJ-ի լրագրող Էվան Գերշկովիչի կալանքը ՌԴ-ում երկարացրել են
Քաղաքականություն
28.11.2023 | 14:44
Մոսկվայի Լեֆորտովոյի դատարանը մինչև հունվարի 30-ը կալանքի տակ է թողել The Wall Street Journal-ի լրագրող Էվան Գերշկովիչին, որը մեղադրվում է լրտեսության մեջ (ՌԴ Քրեական օրենսգրքի 276-րդ հոդված): Այս մասին հայտնում է Մոսկվայի ընդհանուր իրավասության դատարանների մամուլի ծառայությունը։
Գործի նյութերը գաղտնի են, այդ պատճառով հանդիպումն անցել է դռնփակ։ Լրագրողն այժմ գտնվում է Լեֆորտովոյի քննչական մեկուսարանում, նրան սպառնում է 10-ից 20 տարվա ազատազրկում։
ԱՄՆ քաղաքացի Գերշկովիչը ձերբակալվել է մարտին Եկատերինբուրգում։ Անվտանգության աշխատակիցները պնդում են, որ նա, «գործելով ամերիկյան կողմի ցուցումներով, պետական գաղտնիք կազմող տեղեկություններ է հավաքել ռուսական ռազմարդյունաբերական համալիրի ձեռնարկություններից մեկի գործունեության մասին»։
«Մենք խոսում ենք ոչ թե կասկածի, այլ այն մասին, որ նա ձերբակալվել է հանցագործության պահին»,- վստահեցրել է ՌԴ նախագահի մամուլի քարտուղար Դմիտրի Պեսկովը։
ԱԴԾ-ն հայտարարել է, որ ձերբակալման պահին լրագրողը փորձում էր գաղտնի տեղեկություններ ստանալ։
Գերշկովիչի պաշտպանական կողմը նշել է, որ նա չի ընդունում մեղքը։ Ամերիկյան իշխանությունները նրա ձերբակալությունն անօրինական են անվանել։ ԱՄՆ նախագահ Ջո Բայդենը հայտարարել է, որ լրջորեն է վերաբերվում Գերշկովիչի փոխանակմանը։
ՌԴ փոխարտգործնախարար Սերգեյ Ռյաբկովը հայտարարել է, որ հարցը կարող է քննարկվել միայն դատավճռի կայացումից հետո։
