12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Ուկրաինայի հետախուզության ղեկավարի կինը ծանր մետաղներից թունավորման նշաններով հոսպիտալացվել է
Քաղաքականություն
28.11.2023 | 13:31
Ուկրաինայի Պաշտպանության նախարարության գլխավոր հետախուզական վարչության ղեկավար Կիրիլ Բուդանովի կնոջ մոտ բժիշկները ծանր մետաղից թունավորում են ախտորոշել։ Այս մասին հայտնել են «Бабель» լրատվամիջոցի աղբյուրները, գրում է Meduza-ն։
Լրատվամիջոցի զրուցակիցները պնդում են, որ «այդ նյութերը ոչ մի կերպ չեն օգտագործվում առօրյա կյանքում կամ ռազմական գործերում»։
«Նրանց առկայությունը կարող է ցույց տալ կոնկրետ անձի թունավորման միտումնավոր փորձի մասին»,- ասել են աղբյուրները։
Նրանց տվյալներով՝ Մարիաննա Բուդանովան հոսպիտալացվել է, սակայն արդեն ավարտում է բուժման կուրսը։ Աղբյուրները նշում են, որ քրեական գործը քննվում է սպանության փորձի հատկանիշներով։
Բուդանովայի թունավորման մասին պատմել են նաև «Ուկրաինսկայա պրավդա»-ի աղբյուրները։ Ըստ նրանց՝ հետախուզության գլխավոր վարչության ղեկավարի կինը, «ամենայն հավանականությամբ, թունավորվել է սննդի միջոցով»։
«Նա գանգատվել է վատ ինքնազգացողությունից, ուստի թեստեր են հանձնել, որոնք հայտնաբերել են թունավորում»,- ասել են նրանք։
Ուկրաինայի իրավապահ մարմինները Պետական հետախուզության վարչության ղեկավարի կնոջ դեմ մահափորձի հետաքննության մասին դեռևս տեղեկություններ չեն հաղորդում։
Էմմա Չոբանյան
