15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
Գերմանիայում կրթական ոլորտի աշխատողները գործադուլ են անում
Քաղաքականություն
28.11.2023 | 18:51
Գերմանիայում բողոքի ցույցեր են ընթանում ուսումնական հաստատությունների աշխատակիցների շրջանում․ կրթության և գիտության ոլորտի աշխատողների GEW արհմիությունը կոչ է արել ուսուցիչներին, մանկավարժներին, սոցիալական աշխատողներին և համալսարանների դասախոսներին, ինչպես նաև ուսումնական հաստատությունների ուսանող աշխատակիցներին գործադուլներ և ցույցեր կազմակերպել, գրում է DW-ի ռուսական ծառայությունը։
Մասնավորապես, Բեռլինում փակ են մի շարք մանկապարտեզներ և դպրոցներ, գրում է Berliner Zeitung պարբերականը՝ վկայակոչելով GEW-ի ղեկավար Մարկուս Հանիշին։
NDR-ը նշում է, որ Գերմանիայում 13,450 ուսուցիչներից մոտ 8,100-ը պետական ծառայողի կարգավիճակ ունեն և իրավունք չունեն մասնակցելու գործադուլին։
Հանրահավաքներ և ցույցեր են նախատեսվում Համբուրգում, Բեռլինում, Լայպցիգում և Կարլսրուեում։ GEW-ը, ինչպես նաև Ver.di հանրային ծառայությունների միասնական արհմիությունը պահանջում են 10,5 տոկոսով և առնվազն 500 եվրոյով աշխատավարձի բարձրացում ամբողջ երկրում՝ կրթության ոլորտի 1,1 միլիոն պետական ծառայողների համար: Բացի այդ, արհմիությունները պահանջում են աշխատավարձի համաձայնագիր կնքել բոլոր ուսանող աշխատողների համար:
Նոյեմբերի սկզբին կայացած բանակցությունների երկրորդ փուլի ժամանակ պահանջները չեն կատարվել։ Երրորդ փուլը տեղի կունենա դեկտեմբերի 7-8-ը Պոտսդամում։
