07.10.2026 | 23:48
Արթուր Դանիելյանը կալանավորվեց
Ուկրաինայում վատ եղանակը 10 մարդու կյանք է խլել․ նրանց թվում երեխաներ կան
Քաղաքականություն
28.11.2023 | 15:06
Ուկրաինայում եղանակային վատ պայմանների պատճառով զոհվել է 10, վիրավորվել՝ 23 մարդ։ Զոհերի թվում երեխաներ կան։ Այս մասին հայտնել է երկրի ներքին գործերի նախարար Իգոր Կլիմենկոն, գրում է Korrespondent-ը։
Նոյեմբերի 28-ի առավոտվա դրությամբ՝ Նիկոլաևի և Կիրովոգրադի մարզերի ութ մայրուղիները շարունակում են փակ մնալ երթևեկության համար։
Նահանգային և մարզային մակարդակներում գործում են վատ եղանակի հետևանքների վերացման շտաբները։
Օդեսայի մարզում արտակարգ իրավիճակների պետական ծառայության ստորաբաժանումները 254 անգամ ներգրավվել են տուժածներին օգնելու համար։ Քարշակվել է 849 մեքենա, այդ թվում՝ 24 ավտոբուս և 17 շտապ օգնության մեքենա։
Աջակցություն է ցուցաբերվել 2,498 մարդու, այդ թվում՝ 162 երեխայի։ Նշվում է, որ Մ-05 և Մ-15 ավտոճանապարհների երթևեկությունը կազմակերպված է հետընթաց ռեժիմով։
