23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Իսրայել է վերադարձել ազատ արձակված 11 պատանդ
Քաղաքականություն
28.11.2023 | 11:23
Երկուշաբթի օրը ազատ արձակված բոլոր 11 իսրայելցի պատանդները ժամանել են Թել Ավիվի Սուրասկի բժշկական կենտրոն, հայտնում է VOA-ն Իսրայելի առողջապահության նախարարությանը հղումով:
Նրանցից 9 երեխաներ են, 2-ը՝ կանայք։ Պատանդների ընտանիքները հիվանդանոցում սպասում են, որպեսզի 52 օրվա ընթացքում առաջին անգամ վերամիավորվեն։
Ազատ արձակված պատանդները Իսրայելի տարածք են անցել հարավային Քերեմ Շալոմ անցակետով․ նրանց ուղեկցել են Իսրայելի պաշտպանության բանակի ներկայացուցիչները։ Երկուշաբթի օրը ազատ արձակված պատանդ երեխաներից շատերի հայրերը ևս պատանդ են պահվում Գազայում։
«Մենք չենք հանգստանա, մինչև նրանք չմիանան և մինչև բոլոր պատանդները տուն չվերադառնան։ Անմիջապես վերադարձրեք նրանց»,- ասված է Իսրայելի առողջապահության նախարարության հաղորդագրությունում։
ԿԽՄԿ-ն իր հերթին հայտնել է, որ նպաստել է 11 պատանդների ազատ արձակմանը և տեղափոխմանը:
Հիշեցնենք, որ Իսրայելը և Գազայի հատվածը կառավարող պաղեստինյան ՀԱՄԱՍ շարժումը Կատարի միջնորդությամբ նոյեմբերի 22-ին պայմանավորվածություն ձեռք բերեցին չորս օրով դադարեցնել ռազմական գործողությունները՝ միմյանց մոտ պահվող տասնյակ պատանդների փոխանակման նպատակով։ Քառօրյա զինադադարը սկսվել է նոյեմբերի 24-ին տեղական ժամանակով ժամը 07.00-ին: Այսօր նոր համաձայնություն է ձեռք բերվել այն ևս երկու օրով երկարաձգելու վերաբերյալ։
