15.01.2026 | 14:43
Սոցիալական բնակարանային ֆոնդի զարգացումն ու արդիականացումը նախարարության առաջնահերթություններից է․ Արսեն Թորոսյան
Բուլղարիան խոստացել է բացել օդային տարածքը՝ ԵԱՀԿ հանդիպմանը ռուսական պատվիրակության մասնակցության համար․ Լավրով
Քաղաքականություն
27.11.2023 | 19:11
Ռուսական պատվիրակությունը Մակեդոնիայի մայրաքաղաք Սկոպյեում կմասնակցի ԵԱՀԿ ԱԳ նախարարների խորհրդի նիստին, եթե Բուլղարիան օդային տարածքը բացի ռուսական ինքնաթիռների համար։ Այս մասին հայտարարել է արտգործնախարար Սերգեյ Լավրովը։ Նրա խոսքով՝ Հյուսիսային Մակեդոնիայի իշխանություններն արդեն համաձայնեցրել են Բուլղարիայի հետ ռուսական պատվիրակության ինքնաթիռի թռիչքը, գրում է Կոմերսանտը։
«Այժմ թվում է, թե Մակեդոնիան մեզ հրավիրել է ԵԱՀԿ ԱԳ նախարարների խորհրդին։ Բուլղարիան, կարծես, Մակեդոնիային խոստացել է բացել իր օդային տարածքը։ Եթե ստացվի, մենք ներկա կլինենք այնտեղ»,- ասել է Սերգեյ Լավրովը՝ ելույթ ունենալով «Պրիմակովյան ընթերցումներ» միջազգային ֆորումում:
Պաշտոնյան նշել է, որ ռուսական պատվիրակությունն արդեն օտարերկրյա գործընկերներից ստացել է Խորհրդի շրջանակում հանդիպման մի քանի դիմում։
«Արդեն մի քանի դիմումներ կան հանդիպման համար, եթե այնտեղ աշխատենք, այդ թվում՝ արևմտյան ներկայացուցիչների կողմից։ Իհարկե, մենք կհանդիպենք բոլորի հետ»,- հավելել է Սերգեյ Լավրովը։
ԵԱՀԿ նախարարների հանդիպումը կանցկացվի Հյուսիսային Մակեդոնիայի մայրաքաղաքում, որը ներկայում նախագահում է կազմակերպությունը նոյեմբերի 30-ից դեկտեմբերի 1-ը։ Հյուսիսային Մակեդոնիան արդեն տվել է հանդիպմանը մասնակցելու համար ռուսական պատվիրակությանը տեղափոխող ինքնաթիռի թռիչքի թույլտվությունը։
