15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
Ավարտվել է Կիևի մերձակայքում տեղի ունեցած ավիավթարի հետաքննությունը, որին զոհ էր դարձել Ուկրաինայի ՆԳՆ ղեկավարությունը
Քաղաքականություն
27.11.2023 | 18:47
Ուկրաինայի Հետաքննությունների պետական բյուրոն ավարտել է Բրովարիում տեղի ունեցած ավիավթարի հետաքննությունը, որի հետևանքով զոհվել է երկրի ՆԳՆ բարձրագույն ղեկավարությունը, գրում է BBC-ի ռուսական ծառայությունը։
2023 թվականի հունվարի 18-ին Կիևի արվարձանում կործանվել էր ուղղաթիռ, ինչի հետևանքով զոհվել էր 10 մարդ, այդ թվում՝ Ուկրաինայի ներքին գործերի նախարար Դենիս Մոնաստիրսկին, առաջին փոխնախարար Եվգենի Էնինը և ՆԳՆ պետքարտուղար Յուրի Լուբկովիչը։ Եվս չորս մարդ, այդ թվում՝ երեխա, մահացել է գետնին։
Քննության տվյալներով՝ վթարը տեղի է ունեցել ճանապարհային երթեւեկության անվտանգության և օդային տրանսպորտի շահագործման կանոնների կոպիտ խախտումներով։
Հետաքննության արդյունքում հինգ պաշտոնատար անձի հայտնել են կասկածանքի մասին՝ Ուկրաինայի արտակարգ իրավիճակների պետական ծառայության ավիացիայի և ավիացիոն որոնողափրկարարական վարչության պետին, հատուկ ավիացիոն ջոկատի հրամանատարի պաշտոնակատարին, թռիչքային պատրաստության գծով հրամանատարի տեղակալին, ավիացիոն ջոկատի հրամանատարին, Ուկրաինայի արտակարգ իրավիճակների պետական ծառայության քաղաքացիական պաշտպանության օպերատիվ փրկարար ծառայության հատուկ ավիացիոն ջոկատի թռիչքների անվտանգության ծառայության պետին՝ Չեռնիգովի մարզի Նիժին քաղաքից։
