16.06.2026 | 20:15
Իրանի մաքսային ծառայության ղեկավարի հետ քննարկվել են Մեղրի-Նորդուզ սահմանային անցակետերի գործունեության հարցեր
Բրիտանական հետախուզությունը նշել է նոյեմբերին ռուսական բանակի ամենամեծ կորուստների մասին
Քաղաքականություն
27.11.2023 | 16:18
Բրիտանական ռազմական հետախուզությունը հայտնում է, որ 2023 թվականի նոյեմբերին ռուս զինվորականների շրջանում կորուստների թիվը, ըստ ուկրաինական գլխավոր շտաբի, կազմում է օրական միջինը 931 մարդ։ Անցած վեց շաբաթների ընթացքում գրանցվել է Ռուսաստանի զոհերի ամենաբարձր ցուցանիշն ամբողջ պատերազմի ընթացքում, գրում է BBC-ի ռուսական ծառայությունը։
Ավելի վաղ Ռուսաստանն ամենամեծ կորուստները կրել էր 2023 թվականի մարտին՝ Բախմուտի վրա հարձակման ժամանակ՝ օրական միջինը 776 մարդ։
Զեկույցում նշվում է, որ թեպետ բրիտանական ռազմական հետախուզությունը չի կարողացել ստուգել զոհերի և վիրավորների ընդհանուր թվի հաշվարկման մեթոդաբանությունը, այդ թվերը հավանական են թվում։ Ըստ բրիտանական հետախուզության՝ ներկայիս ծանր կորուստները հիմնականում պայմանավորված են Ավդեևկա քաղաքի վրա Ռուսաստանի հարձակմամբ։
Էմմա Չոբանյան
