18.03.2026 | 20:05
Իրանի նախագահը հաստատել է հետախուզության նախարարի մահը
Վատիկանում հայտնել են վատառողջ Հռոմի պապի վիճակի մասին
Քաղաքականություն
27.11.2023 | 15:36
Վատառողջ Հռոմի Ֆրանցիսկոս պապի վիճակը լավ է, նա հակաբիոտիկներ է ստանում։ Լրագրողներին այս մասին հայտնել է Սուրբ Աթոռի մամուլի ծառայության ղեկավար Մատեո Բրունին, փոխանցում է ՌԻԱ Նովոստին։
«Հաստատում եմ, որ համակարգչային տոմոգրաֆիան բացառել է թոքաբորբը, սակայն հայտնաբերվել է թոքային բորբոքում, որն առաջացրել է շնչառության որոշակի դժվարություն: Բուժումն ավելի արդյունավետ դարձնելու համար Պապը ներերակային հակաբիոտիկներ է ստանում»,- հայտնել է Բրունին:
«Հռոմի պապի վիճակը լավ է և կայուն, նա չունի ջերմություն, իսկ շնչառական համակարգի վիճակը զգալիորեն լավանում է»,-հայտնել է Հռոմի պապի խոսնակը։
Շաբաթ առավոտյան Վատիկանի մամուլի ծառայությունը հայտարարեց, որ 86-ամյա Պապի հետ նախապես նախատեսված բոլոր լսումները չեղարկվել են «մեղմ գրիպի պատճառով»։ Կիրակի Սուրբ Աթոռի մամուլի ծառայությունը հայտնել է, որ սրբազան քահանայապետը հիվանդության պատճառով չի հայտնվելու Սուրբ Պետրոսի հրապարակում և իր կիրակնօրյա քարոզը կկատարի նստավայրի մատուռից՝ տեսակապով։
