18.03.2026 | 20:05
Իրանի նախագահը հաստատել է հետախուզության նախարարի մահը
ՀԱՄԱՍ-ն ու Իսրայելը բանակցություններ են վարում հրադադարը երկարաձգելու շուրջ․ The Wall Street Journal
Քաղաքականություն
27.11.2023 | 17:51
ՀԱՄԱՍ-ը և Իսրայելը բանակցություններ են վարում ժամանակավոր հրադադարը երկարաձգելու շուրջ։ Այս մասին գրում է The Wall Street Journal-ը՝ վկայակոչելով Եգիպտոսի և Կատարի պաշտոնյաներին, փոխանցում է Meduza-ն։
Լրատվամիջոցը հիշեցնում է, որ կողմերը հրապարակային հայտարարել են գործարքը երկարաձգելու ցանկության մասին, որի շրջանակում ՀԱՄԱՍ-ը պարտավորվել է ազատ արձակել 50 իսրայելցիների՝ իսրայելական բանտերում պահվող 150 պաղեստինցի բանտարկյալների դիմաց։
WSJ-ի տվյալներով՝ կողմերն այժմ քննարկում են գործարքը ևս չորս օրով կամ ավելի պակաս ժամկետով երկարաձգելու հնարավորությունը։ Այս համաձայնագրի շրջանակում, ըստ պարբերականի աղբյուրների, ՀԱՄԱՍ-ը կարող է ազատ արձակել պատանդ պահվող առնվազն 20 կանանց ու երեխաների։
Միաժամանակ, Եգիպտոսի պաշտոնյաները նշում են, որ բոլոր կանանց և երեխաներին ազատ արձակելուց հետո առաջնահերթությունը կտրվի տարեց տղամարդկանց, այնուհետև մահացածների մարմինների փոխանցմանը, քանի որ ՀԱՄԱՍ-ը մինչ այժմ բացառում է երիտասարդ իսրայելցի տղամարդկանց ազատ արձակման հնարավորությունը։
Գործարքի երկարաձգումը, ըստ ԱՄՆ նախագահի խորհրդական Ջեյք Սալիվանի, ներկայում կախված է ՀԱՄԱՍ-ից, քանի որ Իսրայելի վարչապետ Բենիամին Նեթանյահուն արդեն հայտարարել է իր պայմանը՝ տասը պատանդի ազատ արձակում՝ հրադադարի յուրաքանչյուր լրացուցիչ օրվա համար։ Լրատվամիջոցը նաև նշում է, որ խմբավորումը դեռևս չի ներկայացրել այն մարդկանց ցուցակը, որոնց պատրաստ է ազատ արձակել։
Էմմա Չոբանյան
