15.01.2026 | 14:46
Բաքվում գտնվելու մասին ոչինչ չի պատմել, մենք էլ չենք հարցրել. Վագիֆ Խաչատրյանի դուստր
«Առանց օտարների միջամտության կայուն խաղաղություն»․ Աբդոլահիանը հանդիպել է Երևանում ու Բաքվում Իրանի դեսպաններին
27.11.2023 | 10:58
Իրանի արտաքին գործերի նախարար Հոսեյն Ամի Աբդոլլահիանն ընդգծել է կովկասյան տարածաշրջանում «առանց օտարների միջամտության կայուն խաղաղության և մշտական հանգստության կարևորությունը»։ Այս մասին նա հայտարարել է Հայաստանում և Ադրբեջանում Իրանի դեսպաններ Մեհդի Սոբհանիի և Աբբաս Մուսավիի հետ շաբաթ օրը կայացած հանդիպումից հետո, հաղորդում է IRNA գործակալությունը։
Աբդոլահիանը սոցիալական ցանցի իր էջում գրել է, որ հանդիպմանը շեշտել է «հյուսիսային երկու հարևան պետությունների հետ կապերի խթանման կարևորությունը»։ Նա ասել է, որ Իրանի արտաքին քաղաքականությունը լուրջ ուշադրություն է դարձնում Հարավային Կովկասի տարածաշրջանին։
