07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Հուսով ենք՝ Հայաստանը կվերսկսի ընդլայնված մասնակցությունը ՀԱՊԿ-ի աշխատանքներին․ Պեսկով
Քաղաքականություն
26.11.2023 | 14:33
Ռուսաստանը հուսով է, որ Հայաստանը ժամանակի ընթացքում կփոխի իր մոտեցումը և ընդլայնված մասնակցություն կունենա ՀԱՊԿ-ի աշխատանքներին։ ՌԻԱ Նովոստիի հաղորդմամբ՝ հայտարարել է ՌԴ նախագահի մամուլի քարտուղար Դմիտրի Պեսկովը:
Պեսկովը նշել է, որ ՀԱՊԿ անդամ բոլոր երկրները համակարծիք են դաշինքի զարգացման հետագա ամրապնդման անհրաժեշտության հարցում։
«Կա Հայաստանի դիրքորոշումը, այն լավ հայտնի է, ամեն ինչում չէ, որ մենք կարող ենք համաձայնել, որովհետև ՀԱՊԿ-ը շարունակում է պահանջված լինել։ Բոլոր երկրները միակարծիք են այս դաշինքի հետագա ամրապնդման և զարգացման անհրաժեշտության հարցում։ Այդ պատճառով մենք հույս ունենք, որ հենց այդ ճանապարհով առաջ կգնանք։ Մենք նաև հուսով ենք, որ մեր հայ բարեկամներն էլ, այնուամենայնիվ, ժամանակի ընթացքում կվերսկսեն իրենց ընդլայնված մասնակցությունը՝ ի նպաստ կազմակերպության»,- ասել է Պեսկովը «Ռոսիա 1» հեռուստաալիքի եթերում «Մոսկվա.Կրեմլ.Պուտին» հաղորդման շրջանակում։
