09.01.2026 | 23:33
Մի խումբ քահանաներ միանում են վարչապետի՝ «եկեղեցու բարենորոգման» հայտարարությանը, մյուսները՝ զորակցում Կաթողիկոսին
Ռուսները մնացել են «Կարապի լճի» կաղապարի մեջ․ ապաքաղաքական զրույց Ռուդոլֆ Խառատյանի հետ. ՏԵՍԱՆՅՈՒԹ
Հաղորդաշարեր
26.11.2023 | 21:02
Factor TV-ի A-politic հաղորդաշարի հյուրն է խորեոգրաֆ, Հայաստանի ժողովրդական արտիստ Ռուդոլֆ Խառատյանը: Նրա կարծիքով՝ «ավանգարդը» կամ «փորձարարականը» բալետում ամենևին չի ենթադրում, որ այդ արվեստը ժամանակավոր է, անցողիկ: Հաղորդման հյուրն «ավանգարդը» հակադրում է «դրամ-բալետին»՝ խորեոգրաֆիկ դրամային՝ այն ժանրին, որը գերիշխող էր Խորհրդային միությունում և Ռուսաստանում:
Խորեոգրաֆի համար հետաքրքիր չէ բալետի սյուժետային, «գրական» բաղադրիչը. իր ներկայացումներում նա շեշտը դնում է մարմնի միջոցով փոխանցվող և տիեզերական օրինաչափությունների հետ կապված շարժումների վրա: Այդպիսին է վերջին տասնամյակների ընթացքում բալետի զարգացման գլխավոր ուղղությունն Արևմուտքում, և նման ներկայացումներ է նա բեմադրել թե՛ Հայաստանում, թե՛ Միացյալ Նահանգներում, որտեղ աշխատել է երկար տարիներ:
Խոսելով արվեստների սինթեզի մասին, որի մասնավոր արտահայտություններն են օպերան և բալետը, Ռուդոլֆ Խառատյանը հիշեցնում է, որ մարդկության ձևավորման շրջանում այդ սինթեզն արդեն իսկ կար: Պարը, երգը, խոսքը որոշակի միֆական պատկերացումների վրա հիմնված ծեսի մի մասն էին: Դարերի ընթացքում յուրաքանչյուր տարրն առանձնացվել է, ճյուղավորվել՝ ձեռք բերելով որոշակի ինքնուրույնություն:
Մանրամասները՝ տեսանյութում:
Արամ Աբրահամյան
