27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Վանաձորի նախկին քաղաքապետն ու կադաստրի նախկին պետը կասկածվում են քաղպաշտպանության համար նախատեսված գազաապաստարանը կոռուպցիոն եղանակով «իրար մեջ» անելու համար. SHAMSHYAN.com
29.07.2018 | 15:09
SHAMSHYAN.com-ի տեղեկություններով, երեկ՝ հուլիսի 27-ին, Լոռու մարզի դատախազությունից, ոստիկանության Լոռու մարզային վարչություն է ուղարկվել Վանաձոր քաղաքի բնակիչ, 60-ամյա Արթուր Կարապետյանի դիմումը:
Ա. Կարապետյանը դիմում է ներկայացրել ՀՀ գլխավոր դատախազ Արթուր Դավթյանին և հայտնել, որ Վանաձոր քաղաքի բնակիչ, 59-ամյա Սամվել Դարբինյանը կոռուպցիոն համաձայնության է եկել Վանաձոր քաղաքի անշարժ գույքի կադաստրի նախկին պետի հետ, ինչի արդյունքում երկուսով կայացրել են որոշում ու որպես սեփականություն, Վանաձորի Խորենացի փողոցի թիվ 10 շենքի տակ գտնվող քաղպաշտպանության համար նախատեսված՝ 168 քմ մակերեսով գազաապաստարանը օտարել են և հիմա այն կադաստրի նախկին պետը փորձում է 20-25 հազար դոլարով վաճառել:
Ս. Դարբինյանը Վանաձորի նախկին քաղաքապետն է, իսկ կադաստրի նախկին պետը՝ Գերասիմ Անդրեասյանը: Ոստիկանություն են հրավիրվելու նախկին քաղաքապետն ու կադաստրի պետը:
