15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
ԿԽՄԿ ավտոբուսը ժամանել է Իսրայելի Օֆեր բանտ՝ տեղափոխելու պաղեստինցի բանտարկյալներին․ The Times of Israel
Քաղաքականություն
24.11.2023 | 17:59
Կարմիր Խաչի միջազգային կոմիտեի պաշտոնյաներն ավտոբուսով ժամանել են Իսրայելի Օֆեր բանտ՝ տեղափոխելու 39 պաղեստինցի բանտարկյալների, որոնք պետք է ազատ արձակվեն Իսրայելի կողմից ՀԱՄԱՍ-ի հետ քառօրյա զինադադարի և Գազայի հատվածից իսրայելցի պատանդներին ազատելու համաձայնագրի շրջանակում, գրում է BBC-ի ռուսական ծառայությունը:
Բոլոր բանտարկյալները տեղափոխվել են Օֆեր՝ այսօր կեսօրին նրանց սպասվող ազատ արձակումից առաջ:
Հիշեցնենք, որ այսօր Գազայի հատվածում Իսրայելի և ՀԱՄԱՍ-ի միջև ռազմական գործողությունների քառօրյա դադարի մասին համաձայնությունն ուժի մեջ է մտել։ Օրվա ընթացքում ՀԱՄԱՍ-ի գրոհայինները պետք է ազատ արձակեն իսրայելցի առաջին պատանդներին՝ տեղական ժամանակով 16:00-ին։ Համաձայնագրի շրջանակում, որում առանցքային միջնորդ են հանդես եկել Կատարի իշխանությունները, ինչպես նաև Եգիպտոսն ու ԱՄՆ-ը, ՀԱՄԱՍ-ի զինյալներն այսօր կազատեն 13 իսրայելցի պատանդի։
Ընդհանուր առմամբ, նախատեսվում է առնվազն 50 հոգու ազատ արձակում։ Իսրայելի բանտերից էլ կազատվեն 39 պաղեստինցի բանտարկյալներ՝ կանայք և անչափահասներ։ Գազայի հատվածի՝ Եգիպտոսի հետ սահմանին գտնվող «Ռաֆահ» անցակետով ամեն օր նախատեսվում է ուղարկել 130 հազար լիտր դիզվառելիք և 200 բեռնատար մարդասիրական օգնություն։
