24.11.2024 | 10:32
Այս տարի Ավանում 14,000 քմ բակային տարածքներ ազատել ենք ավտոտնակներից և անօրինական շինություններից. Ավինյան․ ՏԵՍԱՆՅՈՒԹ
ԵՄ-ի և Թուրքիայի միջև անվտանգության ու միգրացիայի հարցերով բարձր մակարդակի հանդիպում է տեղի ունեցել
Քաղաքականություն
24.11.2023 | 20:17
ԵՄ ներքին գործերի հանձնակատար Իլվա Յոհանսոնը և Թուրքիայի ներքին գործերի նախարար Ալի Երլիքայան Բրյուսելում Թուրքիա-ԵՄ երկրորդ բարձր մակարդակի երկխոսության միգրացիայի և անվտանգության հարցերով նիստ են անցկացրել։ Եվրոպական կողմի տարածած հաղորդագրության մեջ նշվում է, որ Թուրքիան ԵՄ թեկնածու երկիր է և կարևոր գործընկեր միգրացիայի և անվտանգության հարցերում։
Նշվում է, որ կողմերը մտքեր են փոխանակել անկանոն միգրացիայի կանխարգելման հետ կապված իրենց քաղաքականության և գործողությունների վերաբերյալ, քննարկել ընդհանուր մոտեցումները մի շարք հարցերի, այդ թվում՝ սահմանային անվտանգության և միգրանտների մաքսանենգության դեմ պայքարի վերաբերյալ։ Նրանք նաև քննարկել են՝ ինչպես ընդլայնել միգրացիոն և իրավապահ մարմինների համագործակցությունը:
«Թարմացնելով վիզաների ազատականացման երկխոսության չափանիշների կատարման հաջող ավարտի հասնելու և այդ նպատակով համագործակցությունն ակտիվացնելու իրենց ընդհանուր ցանկությունը՝ նրանք, միևնույն ժամանակ, կուսումնասիրեն վիզաների տրամադրման արագացման միջոցով Թուրքիայի քաղաքացիների համար ճանապարհորդությունների դյուրացման ուղիները»,- ասվում է հաղորդագրության մեջ։
Անվտանգության հարցերով կողմերը պայմանավորվել են մեծացնել համագործակցությունն ու փոխադարձ ջանքերը ահաբեկչության դեմ պայքարի և կազմակերպված հանցավորության դեմ պայքարում։ Նրանք պայմանավորվել են ուժեղացնել համագործակցությունն իրավապահ համակարգի ոլորտում։
Թուրքիան ու ԵՄ-ն նաև պայմանավորվել են պարբերաբար հանդիպել տեխնիկական և բարձրաստիճան պաշտոնյաների մակարդակով՝ դիտարկելու միգրացիայի և անվտանգության ոլորտներում ընդհանուր շահերի շուրջ համագործակցության առաջընթացը:
Էմմա Չոբանյան
