30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Մինսկում ՀԱՊԿ նիստից հետո Ղազախստանի, Ղրղզստանի, Տաջիկստանի ղեկավարները Բաքու են մեկնել
Քաղաքականություն
24.11.2023 | 15:36
Բաքվում այսօր տեղի է ունենում ՄԱԿ-ի Կենտրոնական Ասիայի տնտեսությունների հատուկ ծրագրի (SPECA) գագաթնաժողովը։ Միջոցառմանը մասնակցելու համար Ադրբեջան են ժամանել Կենտրոնական Ասիայի երկրների, Վրաստանի, Հունգարիայի ղեկավարները, ինչպես նաև միջազգային կազմակերպությունների ներկայացուցիչներ։
Մասնավորապես, Ադրբեջանի նախագահ Իլհամ Ալիևն արդեն հանդիպումներ է ունեցել Ղազախստանի նախագահ Կասիմ-Ժոմարտ Տոկաևի, Տաջիկստանի նախագահ Էմոմալի Ռամոնի, Ղրղզստանի նախագահ Սադիր Ժապարովի, Ուզբեկստանի նախագահ Շավկաթ Միրզոևի հետ։ Բացի այդ, Ալիևը հանդիպել է Վրաստանի վարչապետ Իրակլի Ղարիբաշվիլիի և Հունգարիայի վարչապետ Վիկտոր Օրբանի հետ։
Ուշագրավ է, որ Ղազախստանի, Ղրղզստանի, Տաջիկստանի ղեկավարները Բաքու են այցելել Մինսկից, որտեղ նախօրեին մասնակցում էին ՀԱՊԿ գագաթնաժողովին։
Հայաստանը ՀԱՊԿ գագաթնաժողովին չէր մասնակցում։
Էմմա Չոբանյան
