15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Թուրքիայի ու Մեծ Բրիտանիայի ՊՆ ղեկավարները պաշտպանության և անվտանգության ոլորտում կապերի ամրապնդման հայտարարություն են ստորագրել
Քաղաքականություն
24.11.2023 | 16:23
Թուրքիայի պաշտպանության նախարար Յաշար Գյուլերը և նրա բրիտանացի գործընկեր Գրանտ Շափսն Անկարայում հանդիպմանը քննարկել են երկկողմ և տարածաշրջանային անվտանգության հարցեր, հաղորդում է TRT-ն։
Նշվում է, որ երկու երկրների ՊՆ ղեկավարները պաշտպանական համագործակցության մտադրության մասին հայտարարություն են ստորագրել։
«Մեծ Բրիտանիան Թուրքիայի համար կարևոր դաշնակից և ռազմավարական գործընկեր է։ Հանդիպմանը մենք վերահաստատել ենք մեր աջակցությունը Ուկրաինայի տարածքային ամբողջականությանը և մտքեր փոխանակել երկկողմ, տարածաշրջանային պաշտպանության և անվտանգության հարցերի շուրջ։ Մենք նաև փոխադարձ հանձնառություն ենք հայտնել առավել ամրապնդելու մեր երկկողմ ռազմական համագործակցությունը։ Մենք նպատակ ունենք ընդլայնել համագործակցությունը Մեծ Բրիտանիայի հետ տարբեր ոլորտներում, ներառյալ՝ մեր մարտական KAAN կործանիչի հարցում, և բացահայտել նոր հնարավորություններ, համագործակցությունը զարգացնել նոր ոլորտներում, ինչպիսիք են Eurofighter Typhoon կործանիչները»,- համատեղ ասուլիսում ասել է Գյուլերը։
Նշենք, որ ավելի վաղ Գյուլերը հայտարարել էր, որ Թուրքիան նախատեսում է գնել ընդհանուր առմամբ 40 Eurofighter Typhoon կործանիչ։
«Մենք ցանկանում ենք գնել Eurofighter Typhoon-ներ։ Այն շատ արդյունավետ ինքնաթիռ է։ Այս ինքնաթիռները կապված են Մեծ Բրիտանիայի, Գերմանիայի և Իսպանիայի հետ»,- ասել էր նա։
Թուրք պաշտոնյայի խոսքով՝ Լոնդոնն ու Մադրիդը դրական են արձագանքել Անկարայի մտադրությանը, և այժմ աշխատանքներ են տարվում՝ «Գերմանիային համոզելու համար»։
Էմմա Չոբանյան
