26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Երդման արարողություն՝ քրեակատարողական ծառայությունում
28.07.2018 | 19:12
Հուլիսի 28-ին ՀՀ ԱՆ քրեակատարողական ծառայությունում տեղի ունեցավ քրեակատարողական ծառայողի երդման հանդիսավոր արարողությունը, որին ներկա էին Քրեակատարողական ծառայության պետ, արդարադատության գնդապետ Արտյոմ Մխոյանը և ծառայության ղեկավար անձնակազմը: Քրեակատարողական նորանշանակ ծառայողներն անհատական կարգով մոտեցան ՀՀ պետական դրոշին, ընթերցեցին երդման տեքստը և ստորագրեցին իրենց անվան դիմաց: Նրանք երդվեցին հավատարմորեն ծառայել Հայաստանի Հանրապետության ժողովրդին, խստագույնս պահպանել Հայաստանի Հանրապետության Սահմանադրությունը և օրենքները, մարդու և քաղաքացու իրավունքներն ու ազատությունները, աջակցել սահմանադրական կարգի պահպանմանը, անվերապահորեն և բարեխղճորեն կատարել օրենքով իրենց վերապահված պարտականությունները: Քրեակատարողական ծառայության պետ Արտյոմ Մխոյանը շնորհավորեց նորանշանակ ծառայողներին, նրանց մաղթեց բարի ծառայություն՝ ցանկանալով, որ այս պաշտոնը լինի քրեակատարողական ծառայությունում նրանց առաջին քայլը, որը կտանի առաջընթացի, հաջողությունների և նոր նվաճումների. «Չկա առավել պատվաբեր երևույթ, քան ծառայության անցնել սեփական հայրենիքում, ազնվորեն, ծառայել հանրությանը և անվերապահորեն կատարել ծառայողական պարտականությունները»,- նշեց Ա. Մխոյանը:
ՀՀ ԱՆ ՔԿԾ հանրային կապերի բաժին
