15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Դուբլինում երեխաների վրա հարձակումից հետո միգրանտների դեմ ցույցը վերածվել է անկարգությունների և ոստիկանության հետ բախումների
Քաղաքականություն
24.11.2023 | 15:17
Դուբլինում զանգվածային բողոքի ցույցը վերաճել է անկարգությունների, թալանի և հրկիզումների։ Ցույցերը սկսվել են այն բանից հետո, երբ դանակով զինված տղամարդը դպրոցի մոտ հարձակվել է հինգ մարդու՝ երկու մեծահասակի և երեք երեխայի վրա: Մեկ երիտասարդ կին և 5-ամյա աղջիկ ծանր վնասվածքներ են ստացել, գրում է Euronews-ը։
Ցուցարարները պնդել են, որ հարձակվողը եղել է միգրանտ և հակամիգրացիոն կարգախոսներ են հնչեցրել։
Իշխանությունները կարծիք են հայտնել, որ ակցիայի հետևում կանգնած է «խելագար խուլիգանական խումբ, որն առաջնորդվում է ծայրահեղ աջ գաղափարախոսությամբ»։
«Մենք ունենք միանգամայն խելագար խուլիգանական խումբ, որն առաջնորդվում է ծայրահեղ աջ գաղափարախոսությամբ, ինչպես նաև այս ապակառուցողականությամբ, որը հանգեցնում է լուրջ բռնությունների։ Ներկայում մենք ռեսուրսներ ենք մոբիլիզացնում այս երևույթի դեմ պայքարելու համար, և դրան համապատասխան վերաբերմունք կցուցաբերվի»,- ասել է ոստիկանության կոմիսար Դրյու Հարիսը։
Քննությունը դեռևս չի բացահայտում հարձակվողի ինքնությունը՝ նշելով միայն, որ նա 40-50 տարեկան տղամարդ է։ Լրատվամիջոցների տվյալներով՝ հարձակվողն օտարերկրացի է, որը բնակվում է երկրում ավելի քան 20 տարի և ստացել է Իռլանդիայի քաղաքացիություն։
Հաղորդվում է նաև, որ հարձակվողը նույնպես լուրջ վնասվածքներ է ստացել և տեղափոխվել հիվանդանոց:
Էմմա Չոբանյան
