07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Բայրամովը Հունգարիայի ԱԳՆ ղեկավարի հետ քննարկել է ՀՀ-ի հետ հարաբերությունների կարգավորումը
Քաղաքականություն
23.11.2023 | 19:43
Ադրբեջանի արտգործնախարար Ջեյհուն Բայրամովը հանդիպել է իր հունգարացի գործընկեր Պետեր Սիյարտոյի հետ, որը ժամանել է Ադրբեջան՝ մասնակցելու SPECA 2023 գագաթնաժողովին (ՄԱԿ-ի հատուկ ծրագիր Կենտրոնական Ասիայի տնտեսությունների համար):
Ադրբեջանի ԱԳՆ հաղորդագրության համաձայն՝ հանդիպման ընթացքում քննարկվել են Ադրբեջանի և Հունգարիայի միջև երկկողմ և բազմակողմ համագործակցության օրակարգի ընթացիկ հարցեր, ինչպես նաև տարածաշրջանային ներկա իրավիճակը։
Բայրամովը հունգարական կողմին տեղեկացրել է հետկոնֆլիկտային տարածաշրջանում տիրող իրավիճակի, խաղաղության օրակարգի առաջխաղացման ուղղությամբ Ադրբեջանի ձեռնարկած վերջին քայլերի և խաղաղ գործընթացի հեռանկարների մասին։ Միաժամանակ, ողջունվել է հունգարական ընկերությունների մասնակցությունը Արցախի գրավյալ տարածքներում Ադրբեջանի կողմից իրականացվող վերականգնման և վերակառուցման աշխատանքներին։
Սիյարտոն նշել է, որ Հունգարիան շահագրգռված է երկու երկրների միջև ռազմավարական հարաբերությունների հետագա զարգացմամբ, մասնավորապես, օգտագործելով առկա ներուժը։
Էմմա Չոբանյան
