10.04.2026 | 16:03
Խաղաղության կուսակցությունը մենք ենք, այդպիսին ենք եղել ի սկզբանե. Լևոն Զուրաբյան․ ՏԵՍԱՆՅՈՒԹ
Ֆինլանդիա-ՌԴ. Մուրմանսկի մարզում սահմանին բարձր զգոնության ռեժիմ է սահմանվել
Քաղաքականություն
23.11.2023 | 19:54
Ռուսաստանի իշխանությունները հայտարարել են անվտանգության միջոցառումների ուժեղացման և Ֆինլանդիային սահմանակից Մուրմանսկի շրջանում բարձր զգոնության ռեժիմ մտցնելու մտադրության մասին՝ կապված Հելսինկիի որոշման հետ՝ բաց թողնել Ռուսաստանի հետ միայն մեկ՝ ամենահյուսիսային սահմանային Ռայա-Ջոսեպպին անցակետը, գրում է Euronews-ը:
Նախկինում Ֆինլանդիայի կառավարությունը փակել էր արևելյան սահմանի չորս անցակետեր՝ սահմանին միգրանտների թվի աճի պատճառով, ինչին, Հելսինկիի կարծիքով, ակտիվորեն նպաստում է Մոսկվան։
«Ռուսաստանի իշխանությունները չեն միջամտում, հակառակը։ Նշաններ կան, որ նրանք նպաստում են երկիր մուտք գործելու գործիքային կիրառմանը, ինչը Ֆինլանդիայի ներքին գործերի և ԵՄ սահմանների անվտանգության վրա ազդելու փորձի ձևերից մեկն է»,- ասել է Ֆինլանդիայի վարչապետ Պետերի Օրպոն։
Երեքշաբթի Մուրմանսկի շրջանի նահանգապետ Անդրեյ Չիբիսը տեսանյութ էր հրապարակել, որում, իբր, երևում է, որ Մերձավոր Արևելքից և Աֆրիկայից միգրանտները հավաքվել են Ֆինլանդիայի սահմանի մոտ։
Ամսվա սկզբից ավելի քան 600 մարդ Ռուսաստանի տարածքով Ֆինլանդիա է ժամանել՝ առանց Եվրամիություն մտնելու համար անհրաժեշտ փաստաթղթերի։
Հելսինկին մեղադրում է Մոսկվային հուսահատ փախստականներին և միգրանտներին շահագործելու մեջ՝ ի պատասխան ՆԱՏՕ-ին երկրի անդամակցության։ Մոսկվան հերքում է այս մեղադրանքները։
