25.11.2024 | 20:28
ՆԱՏՕ-ի ղեկավարությունն արևմտյան խոշոր ընկերություններին կոչ է արել պատրաստվել պատերազմի
Գերմանիայի ոստիկանությունը զանգվածային խուզարկություներ է իրականացրել իսլամիստների հետ կապված վայրերում
Քաղաքականություն
23.11.2023 | 17:47
Գերմանիայում այսօր առավոտյան հարյուրավոր ոստիկաններ ներխուժել են ՀԱՄԱՍ-ի անդամների և խմբավորման կողմնակիցների տները, փոխանցում է BBC-ի ռուսական ծառայությունը:
Այս ամսվա սկզբին Գերմանիան պաշտոնական արգելք սահմանեց ՀԱՄԱՍ-ի ցանկացած գործունեության կամ աջակցության համար:
Հոկտեմբերի 7-ին Գազայի հատվածից գրոհայինների արյունալի հարձակումից հետո Գերմանիան եղել է այն երկրներից մեկը, որն ուժեղ աջակցություն է հայտնել Իսրայելին և խիստ միջոցներ ձեռնարկել հակասեմականությունը զսպելու համար, որը վերջին մեկ ու կես ամսում մեծ տարածում է գտել արևմտյան շատ երկրներում։
Ռեյդերը, որոնք հիմնականում տեղի են ունեցել Բեռլինում, նպատակ են ունեցել հետևել սահմանված արգելքի կիրառմանն ու հետաքննել խմբավորման գործունեությունը, ասվում է Գերմանիայի ներքին գործերի նախարարության հայտարարության մեջ:
Միայն Բեռլինում ավելի քան 300 ոստիկաններ ներխուժել են ՀԱՄԱՍ-ի հետ կապված յոթ վայրեր՝ ապացույցներ և գույք առգրավելու նպատակով:
