07.10.2026 | 14:02
Պուտինն ու Փաշինյանը քննարկել են օրակարգային հարցեր
Նեթանյահուն Մոսադին հրահանգել է ոչնչացնել ՀԱՄԱՍ-ի առաջնորդներին
Քաղաքականություն
23.11.2023 | 17:03
Գազայի հատվածում Իսրայելի և ՀԱՄԱՍ-ի միջև մարտերի՝ մի քանի օր նախատեսված դադարից առաջ Իսրայելի իշխանությունները հաստատակամություն են հայտնել, որ շուտով կշարունակեն իրենց առաքելությունը՝ ոչնչացնելու ահաբեկչական խմբավորումը և դրա ղեկավարությանը, գրում է The Times of Israel-ը։
Թել Ավիվում կայացած մամուլի ասուլիսում վարչապետ Բենիամին Նեթանյահուն հայտարարել է, որ հանձնարարել է Մոսադ լրտեսական գործակալությանը «ոչնչացնել ՀԱՄԱՍ-ի ղեկավարներին, որտեղ էլ նրանք լինեն»:
Իսրայելի վարչապետն այս մասին հայտարարել է այն բանից հետո, երբ լրագրողը հիշատակել է «Կան» լրատվականի ռեպորտաժը՝ պնդելով, որ ՀԱՄԱՍ-ի ղեկավարներ Իսմայիլ Հանիեն և Խալեդ Մաշալը «էյֆորիայի մեջ են» պատերազմի պատճառով և ակնկալում են, որ կշարունակեն կառավարել Գազայի հատվածը դրա ավարտից հետո:
Իր հերթին, Իսրայելի Պպաշտպանության նախարար Յոավ Գալանտը հայտարարել է, որ ՀԱՄԱՍ-ի բոլոր առաջնորդները «քայլող մեռելներ են»:
«Նրանք ապրում են փոխառված ժամանակով։ Պայքարը համաշխարհային է՝ սկսած դաշտում գտնվող զինված մարդկանցից մինչև նրանք, ովքեր վայելում են շքեղ ինքնաթիռներ, մինչ իրենց էմիսարները գործում են կանանց և երեխաների դեմ, նրանց բոլորին վիճակված է մահանալ»,- ասել է Գալանտը։
