06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
ԱՄՆ-ը հայտնել է Կարմիր ծովում հութիների արձակած ԱԹՍ-ների խոցման մասին
Քաղաքականություն
23.11.2023 | 16:21
ԱՄՆ կենտրոնական հրամանատարությունը (CENTCOM) հայտնել է մի քանի հարվածային անօդաչու թռչող սարքերի խոցման մասին, որոնք արձակվել են Եմենում հութիների վերահսկողության տակ գտնվող տարածքից, գրում է BBC-ի ռուսական ծառայությունը։
«Անօդաչուները խոցվել են այն պահին, երբ ամերիկյան ռազմական նավը Կարմիր ծովում պարեկություն է իրականացրել։ Նավն ու անձնակազմը ոչ մի վնաս չեն ստացել»,- ասվում է հրամանատարության տարածած հաղորդագրության մեջ։
Ավելի վաղ ԱՄՆ-ը հայտարարել էր, որ քննարկում է Եմենի ապստամբներին ահաբեկչական կազմակերպություն ճանաչելու հարցը՝ Կարմիր ծովում Galaxy Leader բեռնատար նավի առևանգումից հետո:
Նավը նավարկել է Բահամյան կղզիների դրոշով, պատկանում է բրիտանական ընկերությանը և կառավարվում է ճապոնական ընկերության կողմից, որը կապեր ունի իսրայելցի գործարարի հետ: Նավում եղել է անձնակազմի ավելի քան 20 անդամ։ Նրանք ձերբակալվել են, իսկ նավը մինչ օրս գտնվում է Եմենի ափին։
Հութիները հայտարարել են, որ նավի առևանգումը պատասխանն է ՀԱՄԱՍ-ի դեմ Իսրայելի պատերազմի:
Էմմա Չոբանյան
