06.06.2026 | 14:11
Հայ շախմատիստների վերջնական արդյունքները կանանց ԵԱ-ում
Պատանդները Գազայից կսկսեն ազատ արձակվել նոյեմբերի 24-ից ոչ շուտ
Քաղաքականություն
23.11.2023 | 11:00
ՀԱՄԱՍ արմատական իսլամիստական շարժման կողմից Գազայի հատվածում պահվող պատանդները ազատ չեն արձակվի մինչև նոյեմբերի 24-ը։ Այս մասին հայտարարել է Իսրայելի Ազգային անվտանգության խորհրդի ղեկավար Ցաչի Հանեգբին, փոխանցում է DW-ի ռուսական ծառայությունը։
«Մեր պատանդների ազատ արձակման շուրջ քննարկումներն առաջ են ընթանում», – Հանեգբիի խոսքերն է մեջբերում Haaretz թերթը։ Ըստ նրա՝ ազատ արձակումը տեղի կունենա երկու կողմերի նախնական համաձայնությամբ։
Նախորդ գիշեր Իսրայելի կառավարությունն ու ՀԱՄԱՍ-ի զինյալները պայմանավորվել են քառօրյա զինադադարի մասին։ Համաձայնագիրը նախատեսում է 4 օրվա ընթացքում ազատ արձակել Գազայի հատվածում պահվող 50 իսրայելցի պատանդների և իսրայելական բանտերում պահվող 150 պաղեստինցի գերիների։
Որոշ իսրայելական լրատվամիջոցներ հայտնել էին, որ զինադադարն ուժի մեջ կմտնի նոյեմբերի 23-ին, իսկ պատանդների առաջին խումբը կազատվի նույն օրը։
