12.12.2024 | 15:32
ԼՂ-ից բռնի տեղահանված ՄԿՈւ հաստատությունների սովորողներն ուսման վարձի փոխհատուցում կստանան
Սիրիական լրատվամիջոցները հայտնում են Դամասկոսի մերձակայքում իսրայելական հրթիռային հարվածի մասին
Քաղաքականություն
22.11.2023 | 18:52
Սիրիական SANA-ի փոխանցմամբ՝ Իսրայելի ռազմաօդային ուժերի ինքնաթիռները Գոլանի բարձունքներից երկու հրթիռ են արձակել մայրաքաղաք Դամասկոսի մերձակայքում գտնվող վայրերի ուղղությամբ, փոխանցում է BBC-ի ռուսական ծառայությունը։
Հաղորդագրությունում, հղում անելով ռազմական աղբյուրին, ասվում է, որ սիրիական հակաօդային պաշտպանությունը խոցել է հրթիռներից մեկը, իսկ երկրորդը պատճառել է «նյութական վնաս»։ Հարվածի հետևանքով տուժածներ չկան։
Սիրիական այլ լրատվամիջոցներ էլ հաղորդել են Դամասկոսի երկնքում պայթյունների ձայների և հակաօդային պաշտպանության կիրառման մասին: Sham FM ռադիոկայանը պնդում է, որ հակաօդային պաշտպանությունը հարվածում է «թշնամու թիրախներին» այդ տարածքում:
Ավելի վաղ սոցցանցերում հայտնվել էին չստուգված լուսանկարներ և տեսանյութեր, որոնցում երևում էր, որ Դամասկոսի շրջանի վերևում բարձրանում են ծխի քուլաներ, ըստ ամենայնի, Իսրայելի օդային հարվածից հետո։
Իսրայելի պաշտպանության բանակը դեռևս չի մեկնաբանել այս հաղորդագրությունները։
