27.12.2025 | 19:00
32 անշարժ գույք և 312 մլն դրամ եկամուտ․ ինչ է հայտարարագրել Հայկ Մարությանը
Աբխազիայում բողոքի ցույցեր են ՌԴ-ին պետական գույքի փոխանցման դեմ
Քաղաքականություն
22.11.2023 | 21:10
Աբխազիայում բողոքում են ռուսներին պետական գույքը վաճառելու դեմ։ Ըստ տեղական լրատվամիջոցների՝ նոյեմբերի 21-ին մոտ 1000 մարդ շրջափակել է Նոր Աֆոնում գտնվող այն տարածքը, որտեղ գտնվում են պետական ամառանոցները, այդ թվում՝ 1947 թվականին Ստալինի համար կառուցված ամառանոցը, և որպես բողոքի նշան՝ քանդել են տարածքի շուրջ պարիսպը։ Արդյունքում տարածքը հատուկ նշանակության ջոկատի զինծառայողների կողմից անցել է ուժեղացված անվտանգության ներքո, գրում է VOA-ն:
«Նոր Աֆոնի պետական ամառանոցի վաճառք կամ փոխանցում Աբխազիայի ղեկավարությունը չի ծրագրել և չի ծրագրում։ Տեղեկությունները, որոնք դրդել են քաղաքացիներին իրականացնել այս գործողությունը, կեղծ են և չեն համապատասխանում իրականությանը»,- ասել են պետական ամառանոցների աբխազական վարչակազմում։
Գերատեսչության ղեկավար Բեսլան Կվիցինիան ասել է, որ ցուցարարներին «գրգռել են իրականությանը չհամապատասխանող լուրերը» և մեղադրել «այդ հորինվածքի հեղինակներին սադրիչ քաղաքական գործողություն իրականացնելու մեջ»։
Այնուամենայնիվ, երկրի իշխանությունների հակառակորդներն հայտնում են, որ տեղի բնակիչներին հաջողվել է կանխել «պետական գույքը ռուս ներդրողին վաճառելու հերթական փորձը»։
