Քաղաքականություն
22.11.2023 | 18:01
Nativ կազմակերպությունը, որն Իսրայելի կառավարությանն առընթեր գործող ծառայություն է և պատասխանատու է նախկին ԽՍՀՄ երկրներում հրեական համայնքների հետ կապի համար, թեժ գիծ է բացել «հրեական համայնքներին վտանգի տակ դնող սադրիչ բովանդակության և հակասեմականության կոչերի մասին հաղորդագրությունների համար», հայտնում են իսրայելական ԶԼՄ-ները:
Այդ նպատակով Nativ-ն ակտիվացրել է թեժ գիծ WhatsApp մեսենջերի և Telegram-ալիքի միջոցով տեքստային հաղորդագրություններ ուղարկելու համար։
Ծառայությունից պարզաբանել են, որ յուրաքանչյուր ոք կարող է տեղեկատվություն և բողոք ներկայացնել՝ ինչպես Իսրայելում, այնպես էլ արտերկրում։ Հաղորդագրության գաղտնիությունը երաշխավորված է:
Հարցին ի պատասխան, թե ինչպես է օգտագործվելու ստացված տեղեկատվությունը, նշվել է, որ «տեղեկությունը կմշակվի և կփոխանցվի Իսրայելի համապատասխան կառույցներին»:
