18.03.2026 | 21:30
Առաջարկում եմ ժողովրդավարական ընդդիմությանը սկսել բանակցություն համախմբման նպատակով. Դավիթ Սանասարյան․ ՏԵՍԱՆՅՈՒԹ
ԵՄ-ն Ուկրաինայի անվտանգության երաշխիքների հայեցակարգ է պատրաստել․ Bloomberg
Քաղաքականություն
22.11.2023 | 16:16
ԵՄ ղեկավարությունն անդամ երկրներին է ներկայացրել հայեցակարգ, որում նշվում է Ուկրաինայի հանդեպ անվտանգության ոլորտում միության երկարաժամկետ պարտավորությունների մասին։ Այս մասին հայտնում է Bloomberg-ը, որն ուսումնասիրել է փաստաթղթի նախագիծը, փոխանցում է Meduza-ն։
Գործակալության տվյալներով՝ փաստաթղթում առկա են հետևյալ սկզբունքները․ կանխատեսելի, արդյունավետ, կայուն և երկարաժամկետ ռազմական աջակցություն Ուկրաինային՝ մոբիլիզացնելով ԵՄ պաշտպանական արդյունաբերությունը; կիբերհարձակումների և հիբրիդային սպառնալիքների, ինչպես նաև ապատեղեկատվության դեմ Ուկրաինայի պայքարի ուժեղացում; տարածքների ականազերծման հարցում աջակցություն; օգնություն բարեփոխումների իրականացման հարցում, որոնք անհրաժեշտ են ԵՄ անդամակցությւան համար; աջակցություն Ուկրաինային զենքի վերահսկման և դրանց ապօրինի շրջանառության դեմ պայքարում; միջուկային անվտանգության ապահովում; հետախուզական տվյալների և արբանյակային լուսանկարների փոխանակում:
Նշվում է նաև, որ զենքի մատակարարումները նախկինի պես իրականացվում են Եվրոպական խաղաղության հիմնադրամով, որը ֆինանսավորվում է ԵՄ անդամ երկրների ներդրումներից։
ԵՄ անդամ երկրների դեսպանները նախագիծը քննարկելու են այս շաբաթ, իսկ առաջնորդները՝ դեկտեմբերին։ Հայեցակարգն օգտագործվելու է նաև Ուկրաինայի և G7-ի երկրների հետ խորհրդակցությունների ժամանակ։
Էմմա Չոբանյան
