23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Կանադան Ուկրաինային ավելի քան 1 մլրդ դոլարի ռազմական օգնություն կտրամադրի
Քաղաքականություն
22.11.2023 | 19:23
Կանադան մտադիր է 2023-2026 թվականներին ավելի քան 1,3 միլիարդ կանադական դոլար հատկացնել Ուկրաինային ռազմական աջակցության համար։ Այս մասին ասվում է կառավարության կայքում հրապարակված տնտեսական զեկույցում, գրում է DW-ի ռուսական ծառայությունը։
Նշվում է, որ վերոնշյալ գումարից 816 միլիոն կանադական դոլարը (546 միլիոն եվրո) կհատկացվի 2023-2024 թվականներին, 318 միլիոն դոլարը (213 միլիոն եվրո)՝ 2024-2025 թվականներին և 197 միլիոն դոլարը (132 միլիոն եվրո)՝ 2025-ից մինչև 2026 թվականներին։
2026 թվականից Ուկրաինային ռազմական օգնության ծախսերը փաստաթղթում զրոյական են։
Այս տարվա սեպտեմբերին, լուսաբանելով Ուկրաինայի նախագահ Վլադիմիր Զելենսկու այցը Կանադա, կանադական CTV հեռուստաալիքը նշել էր, որ 2022 թվականի հունվարից Օտտավան Կիևին տրամադրել է ավելի քան 9,8 միլիարդ դոլարի (6,6 միլիարդ եվրո) ռազմական, տնտեսական և հումանիտար օգնություն:
