21.06.2026 | 15:30
Իրանական ԶԼՄ-ները պնդում են, որ Հորմուզի նեղուցը շարունակում է փակ մնալ
Էրդողանը հայտարարել է, որ Իսրայելն ատոմային ռումբ ունի, որը սպառնում է նաև Թուրքիայի անվտանգությանը
Քաղաքականություն
22.11.2023 | 20:08
Թուրքիան ՄԱԿ-ի Անվտանգության խորհրդին և Ատոմային էներգիայի միջազգային գործակալությանը (ՄԱԳԱՏԷ) կխնդրի ստուգել Իսրայելում միջուկային զենքի առկայության փաստը։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է Al Arabiya-ն։
Նա ընդգծել է, որ Թուրքիան թույլ չի տա, որ մոռացվի միջուկային զենքի և ատոմային ռումբերի հարցը, որոնց գոյությունը հերքում են իսրայելցի նախարարները։
«Իսրայել, ասա՛, ունե՞ս ատոմային ռումբ, թե՞ ոչ։ Չի կարող ասել, բայց մենք ասում ենք՝ ունես ատոմային ռումբ։ Մենք նախաձեռնություններով հանդես կգանք ինչպես ՄԱԿ-ի Անվտանգության խորհրդում, այնպես էլ ՄԱԳԱՏԷ-ում այս հարցի շուրջ, որը սպառնում է ամբողջ տարածաշրջանի, այդ թվում՝ Թուրքիայի անվտանգությանը»,- ասել է Էրդողանը։
Հավելենք, որ վերջին շրջանում իր ելույթներում Էրդողանը պարբերաբար անդրադառնում է Իսրայելում միջուկային զենքի առկայության խնդրին և կոշտ քննադատություններ հնչեցնում։ Վերջերս էլ նա Իսրայելն «ահաբեկչական պետություն» էր անվանել։
Էմմա Չոբանյան
