10.04.2026 | 12:29
Հայաստանի քաղհասարակության ներկայացուցիչները մեկնել են Բաքու․ տեղի կունենա հերթական երկկողմ կլոր սեղանը
Իսրայելը բացահայտել է ՀԱՄԱՍ-ի հետ գործարքի մանրամասները
Քաղաքականություն
22.11.2023 | 16:00
Իսրայելի գործարքը պաղեստինյան ՀԱՄԱՍ շարժման հետ՝ Գազայի հատվածից պատանդներին ազատելու և հրադադարի մասին, բաղկացած է մի քանի փուլից և ունի ժամանակային սահմանափակում։ ՌԻԱ Նովոստիի փոխանցմամբ՝ այս մասին են վկայում Իսրայելի կառավարության փաստաթուղթը։
«10 պատանդներից բաղկացած յուրաքանչյուր խմբի ազատ արձակման դեպքում կապահովվի 24 ժամ հրադադար»,- նշվում է դրանում։
Այսպիսով, համաձայնագիրը վավեր կհամարվի պատանդների առաջին խմբի ազատ արձակման պահից և կսահմանափակվի առավելագույնը 10 օր հրադադարով։
Առաջին փուլը նախատեսում է չորս օրով զինադադար։ Ակնկալվում է, որ Իսրայելը սկզբում կազատի 150 պաղեստինցի բանտարկյալների, երբ ՀԱՄԱՍ-ը հրեական պետությանը վերադարձնի 50 պատանդների:
Երկրորդ փուլում փոխանակումը նախատեսվում է նույն բանաձևով, ուստի ազատվածների վերջնական թիվը կարող է տարբերվել հայտարարվածից:
Հիշեցնենք, որ ավելի վաղ ՀԱՄԱՍ-ը հայտարարել էր Իսրայելի հետ Գազայի հատվածում մարդասիրական քառօրյա դադար սահմանելու համաձայնության մասին՝ բոլոր ռազմական գործողությունների դադարեցմամբ։ Համաձայնագիրը նախատեսում է նաև հարյուրավոր բեռնատարներով սննդամթերքի, դեղորայքի և վառելիքի մատակարարում անկլավի բոլոր շրջաններ։
Որպես միջնորդներ հանդես են եկել Կատարն ու Եգիպտոսը։
