23.07.2026 | 19:48
2030-ի ֆուտբոլի աշխարհի առաջնությունը կանցկացվի է՛լ ավելի շոգ կլիմայական պայմաններում
Իսրայելը մտավախություն ունի, որ ՀԱՄԱՍ-ը կօգտվի զինադադարից պաշարները համալրելու համար
Քաղաքականություն
22.11.2023 | 11:17
Իսրայելի պաշտպանության բանակի խոսնակ Ջոնաթան Կոնրիկուսը CNN-ին ասել է, որ իսրայելցի զինվորականները մշակում են զինադադարի համաձայնագրում ռազմական գործողությունների դադարի և պատանդների ազատ արձակման մանրամասները:
Նրա խոսքով՝ հստակ ժամկետները դեռ որոշված չեն։ «Քանի դեռ Իսրայելի կառավարությունը մեզ դա չի հրամայել, մենք կշարունակենք պայքարել ՀԱՄԱՍ-ի դեմ, և երբ համաձայնագիրն ուժի մեջ մտնի, մենք կկատարենք այն։ Բայց մենք տեղում շատ զգոն ենք լինելու»,- հայտարարել է փոխգնդապետը։
Կոնրիկուսը նաև մտավախություն է հայտնել, որ ՀԱՄԱՍ-ի զինյալները կօգտվեն դադարից՝ պաշարների համալրման և վերախմբավորման համար:
«Իհարկե, մենք կնախընտրեինք շարունակել ճնշումը ՀԱՄԱՍ-ի վրա, բայց այս դադարը շատ կարևոր պատճառով է: Մենք կհարգենք Իսրայելի կառավարության ստանձնած պարտավորությունները», – ասել է նա:
