23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Իսրայելը և ՀԱՄԱՍ-ը քառօրյա զինադադարի համաձայնություն են կնքել
Քաղաքականություն
22.11.2023 | 10:40
Կատարի իշխանությունները, որոնք միջնորդել են Իսրայելի և ՀԱՄԱՍ-ի միջև համաձայնության հասնելու հարցում, պաշտոնապես հայտարարել են գործարքի մասին, ըստ որի գրոհայինները կազատեն առնվազն 50 իսրայելցի պատանդի, Գազայում քառօրյա զինադադար կհայտարարվի՝ հումանիտար օգնություն տրամադրելու համար, իսկ Իսրայելը ազատ կարձակի մի քանի պաղեստինցի բանտարկյալների, փոխանցում է BBC-ի ռուսական ծառայությունը։
«Համաձայնագիրը նախատեսում է 50 քաղաքացիական անձանց՝ կանանց և երեխաների ազատ արձակում, որոնք այժմ պահվում են Գազայի հատվածում Իսրայելի բանտերում պահվող մի շարք պաղեստինցի կանանց և երեխաների ազատ արձակման դիմաց։ Համաձայնագրի հետագա փուլերում ազատ արձակումների թիվը կավելանա»,- ասված է Կատարի ԱԳՆ հաղորդագրության մեջ:
Կատարի իշխանությունները բանակցություններին մասնակցել են Եգիպտոսի և ԱՄՆ-ի ներկայացուցիչների հետ միասին։ Վաշինգտոնն ավելի վաղ հայտնել էր, որ համաձայնագրի իրականացումը կսկսվի Կատարի իշխանությունների կողմից պաշտոնական հայտարարության հրապարակումից մոտ 24 ժամ անց։
