16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Այնքան արագ չի ավարտվի, որքան կցանկանայինք․ Զելենսկին՝ պատերազմի մասին
Քաղաքականություն
20.11.2023 | 18:53
Ուկրաինայի նախագահ Վլադիմիր Զելենսկին կոչ է արել Ուկրաինայի դեմ Ռուսաստանի պատերազմի արագ ավարտ չակնկալել։ Այս մասին նա ասել է Կիևում Fox Corporation-ի գործադիր տնօրեն Լաքլան Մերդոքի, Fox News հեռուստաալիքի լրագրող Բենջամին Հոլի և The Sun պարբերականի լրագրող Ժերոմ Սթարքիի հետ հանդիպմանը, գրում է BBC-ի ռուսական ծառայությունը։
«Մարդիկ դրան, չգիտես ինչու, վերաբերվում են որպես կինոյի և սպասում, որ իրադարձություններին դադար չի լինի, աչքերի առաջ պատկերը միշտ կփոխվի, ամեն օրը կլինեն անակնկալներ։ Մեզ համար, մեր մարտիկների համար դա կինո չէ։ Դա մեր կյանքն է։ Դա ամենօրյա դժվար աշխատանք է: Եվ ամեն ինչ այնքան արագ չի ավարտվի, որքան մենք կցանկանայինք, բայց մենք իրավունք չունենք հանձնվելու և չենք անելու դա»,- ասել է Զելենսկին։
Նրա այս հայտարարությունները հնչում են հակամարտության երկարաձգման մասին հրապարակումների համատեքստում, առաջին հերթին՝ Ուկրաինայի Զինված ուժերի գլխավոր հրամանատար Վալերի Զալուժնիի հայտարարության, որ պատերազմը մտել է փակուղի։
Բացի այդ, մամուլում պարբերաբար հրապարակումներ են հայտնվում, որ Զելենսկին և Զալուժնին տարաձայնություններ ունեն պատերազմի հետագա անցկացման և հակահարձակման շուրջ։
Էմմա Չոբանյան
