15.11.2024 | 11:10
Ռոբերտ Քոչարյանի և մյուսների գործով դատական նիստը՝ ՈՒՂԻՂ
ՎՊ կողմից իրականացրած ընթացիկ հաշվետվություններից 3-ի մասով քրգործեր են հարուցվել
Հասարակություն
07.07.2017 | 13:30
Վերահսկիչ պալատի կողմից 2016 թվականին իրականացված ստուգումների արդյունքում կազմված ընթացիկ հաշվետվություններից 3-ի մասով հարուցվել են քրեական գործեր: Ազգային ժողովում ՀՀ վերահսկիչ պալատի 2016 թվականի տարեկան հաշվետվության քննարկմանն այս մասին ասաց ՀՀ վերահսկիչ պալատի նախագահ Լևոն Յոլյանը:
Նա նշեց, որ, ընդհանուր առմամբ, վերահսկողության արդյունքներն ամփոփվել են Վերահսկիչ պալատի թվով 23 ընթացիկ հաշվետվություններում, որոնցից 9-ը` արտածրագրային վերահսկողության արդյունքներով:
«Մեր վերահսկողության արդյունքներով ես հիմա չեմ կարող առանձնացնել որևէ աղմկահարույց դրվագ այս ոլորտում»,- ասաց ՎՊ նախագահը:
Նա հույս հայտնեց, որ Ազգային ժողովի, կառավարության հետ համատեղ աշխատանքի արդյունքում կկարողանան լուծել իրենց առջև դրված խնդիրները:
