13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Իրանի ԱԳՆ խոսնակը հայտարարել է, թե ԱՄՆ-ն իրավունք չունի խառնվել Թեհրանի ու Բաքվի հարաբերություններին
Քաղաքականություն
20.11.2023 | 17:05
ԱՄՆ-ն իրավունք չունի խառնվելու Բաքվի ու Թեհրանի հարաբերություններին։ Այս մասին հայտարարել է Իրանի ԱԳՆ խոսնակ Նասեր Քանանին՝ այդպես արձագանքելով ԱՄՆ պետքարտուղարի Եվրոպայի և Եվրասիայի հարցերով տեղակալի հայտարարություններին, որ ցանկացած միջանցք, որը ստեղծվում է Կովկասում ուժի կիրառմամբ և Իրանի մասնակցությամբ կ,բախվի Վաշինգտոնի վճռական պատասխանին, գրում է Mehr գործակալությունը։
«Կովկասի խնդիրներն ամերիկացիների հետ կապ չունեն։ Տարածաշրջանային զարգացումների վերաբերյալ Իրանի և Ադրբեջանի համագործակցությունը շարունակվում է, և ամերիկացիներն իրավունք չունեն միջամտել»,- ասել է Քանանին։
Նա հավելել է, թե «տարածաշրջանային խնդիրներին միջամտելը ոչ մի օգուտ չի բերում ԱՄՆ կառավարությանը, և նրանք պետք է դասեր քաղեն անցյալի փորձից»։
Էմմա Չոբանյան
