15.09.2026 | 20:21
Քննարկվել են ՀՀ զինված ուժերի և Կանզասի ազգային գվարդիայի միջև գործընկերությանն առնչվող հարցեր
Իսրայելի ու ՀԱՄԱՍ-ի միջև բանակցություններում առաջընթացի մասին է հաղորդվում․ Ynet
Քաղաքականություն
20.11.2023 | 13:25
Իսրայելի և ՀԱՄԱՍ շարժման միջև Կատարի միջնորդությամբ Գազայի հատվածում պատանդների ազատ արձակման շուրջ բանակցություններում առաջընթաց է գրանցվել։ Այս մասին հայտնում է իսրայելական Ynet-ը։
«Առաջընթաց է արձանագրվել Կատարի միջնորդությամբ Գազայում պատանդների ազատ արձակման բանակցություններում: Իսրայելցի պաշտոնյաները կարծում են, որ ՀԱՄԱՍ-ը, գիտակցելով, որ Իսրայելի պաշտպանության բանակը չի նահանջի Ալ-Շիֆայի հիվանդանոցից, չնայած ահաբեկչական խմբավորման պահանջներին, այլ ելք չունի, քան շարունակել բանակցությունները»,- գրում է պարբերականը:
Կատարի միջնորդների տեղեկությունների համաձայն՝ ՀԱՄԱՍ-ը հայտարարել է առաջին փուլում 50 պատանդների ազատ արձակելու պատրաստակամության մասին՝ հնգօրյա հրադադարի, Իսրայելում բանտարկված մոտ 150 պաղեստինցի երեխաների Ու կանանց ազատ արձակելու և Գազա վառելիքի ներկրման դիմաց։
ՀԱՄԱՍ-ը, սակայն, նշել է, որ չգիտի բոլոր առևանգված իսրայելցի երեխաների և մայրերի գտնվելու վայրը, և որ շարժումը պետք է հավաքի նրանց զինադադարի առաջին օրերին՝ պայմանով, որ Իսրայելը զերծ կմնա ավիահարվածներից, գրում է թերթը։
