15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
Իսրայելը հաղորդում է Լիբանանում Հեզբոլլահի դիրքերին հարվածներ հասցնելու մասին
Քաղաքականություն
20.11.2023 | 11:53
Իսրայելի պաշտպանության բանակը հայտնել է, որ կործանիչները հարվածներ են հասցրել Լիբանանում Հեզբոլլահի թիրախներին՝ ի պատասխան Լիբանանի տարածքից վերջին 24 ժամվա ընթացքում իրականացված հարձակումների, գրում է BBC-ի ռուսական ծառայությունը:
«Թիրախները եղել են Հեզբոլլահի ռազմական համալիր, ռազմական կետ և ենթակառուցվածք, որոնք օգտագործվում են ահաբեկչական գործողությունները համակարգելու համար: Հայտնաբերվել են հակատանկային հրթիռների և ականանետների մի քանի արձակումներ Իսրայելի հյուսիսի ուղղությամբ», – ասել է Իսրայելի պաշտպանության բանակը:
Շաբաթ օրը Հեզբոլլահը հայտարարել էր, որ իսրայելական Hermes 450 անօդաչու թռչող սարք է խոցել «երկիր-օդ» հրթիռով և հինգ այլ հարձակումներ է իրականացրել Իսրայելի հյուսիսային սահմանին:
«Բոլոր դիմադրության ուժերը կշարունակեն ճնշում գործադրել Իսրայելի վրա», – AFP-ն մեջբերում է խմբավորման խոսնակ Հաշեմ Սաֆիեդինի խոսքերը: «Այսօր խոսք լինել չի կարող մի ճակատում հրադադարի մասին ու մյուսի մասին չխոսել»։
Սահմանի երկայնքով փոխհրաձգությունները պարբերաբար տեղի են ունենում հոկտեմբերի 7-ից, երբ ՀԱՄԱՍ-ի զինյալները հարձակվել են Իսրայելի վրա։
Ըստ AFP-ի՝ այս ընթացքում լիբանանյան կողմից զոհվել է առնվազն 90 մարդ, որոնց մեծ մասը եղել են Հեզբոլլահի մարտիկներ, ինչպես նաև առնվազն 10 խաղաղ բնակիչ։ Իսրայելական կողմից, ըստ իշխանությունների, զոհվել է վեց զինվոր և երեք խաղաղ բնակիչ։
