18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Իսրայելն ու ՀԱՄԱՍ-ը մարդասիրական հրադադար կկնքեն․ Al Arabiya
Քաղաքականություն
17.11.2023 | 17:21
Իսրայելն ու ՀԱՄԱՍ-ը շուտով մարդասիրական հրադադարի համաձայնագիր կստորագրեն։ Այս մասին հայտնում է Al Arabiya-ն՝ հղում կատարելով սեփական աղբյուրներին։
Համաձայնությունը ենթադրում է 50-ը՝ 50-ի դիմաց գերիների փոխանակում և եռօրյա հրադադար:
Ըստ աղբյուրի՝ կողմերը Գազայի հատվածում 50 գերիների կփոխանակեն Իսրայելի բանտերում գտնվող 50 կանանց ու երեխաների հետ։ Եռօրյա մարդասիրական հրադադարը, հեռուստաալիքի հաղորդմամբ, ներառում է սահմանափակ քանակությամբ վառելիքի ներմուծում անկլավ՝ ՄԱԿ-ի հսկողության ներքո։
Al Arabiya-ի աղբյուրը հավելել է, որ ԱՄՆ-ը ճնշում է գործադրում Իսրայելի վրա՝ համաձայնության գալու համար։
Նախօրեին The Washington Post-ը գրել էր, որ ՀԱՄԱՍ-ը պայմանականորեն համաձայնել է ազատ արձակել առնվազն 50 գերի կանանց և երեխաների։ CNN-ն էլ հաղորդել էր, որ պատանդների փոխանակման գործարքի շուրջ բանակցությունները շարունակվում են հոկտեմբերի վերջից: Աղբյուրի տվյալներով՝ դրանք վարում են ԿՀՎ-ի, Մոսադի և Կատարի ներկայացուցիչները։
