15.09.2026 | 19:41
«ԿԲ-ն ավելի ուժգին և ոչ բնականոն կարձագանքի, եթե ՌԴ-ն գազի գինը բարձրացնի». ԿԲ նախագահ
Իսրայելը հայտարարել է, որ ՀԱՄԱՍ-ը դադարեցրել է պատանդների ազատ արձակման շուրջ բանակցությունները
Քաղաքականություն
17.11.2023 | 16:31
Ռուսաստանում Իսրայելի դեսպան Ալեքսանդրա Բեն Ցվին հայտնել է, որ հոկտեմբերի 7-ին ՀԱՄԱՍ-ի կողմից գերեվարված պատանդների ճակատագիրն առայժմ անհայտ է, քանի որ նրանց ազատ արձակման շուրջ բանակցություններ այլևս չեն ընթանում։
«Ինչ վերաբերում է [պատանդների հետ] իրավիճակին, մեզ անհայտ է։ Չնայած բոլոր խնդրանքներին՝ ՀԱՄԱՍ-ը նույնիսկ չի ներկայացրել իրենց մոտ գտնվողների ցուցակը, ինչ վիճակում են նրանք, արդյո՞ք ողջ են։ Մենք չգիտենք, թե ինչ է կատարվում այնտեղ, ուստի շատ դժվար է բանակցություններ վարել՝ առանց իմանալու, թե ինչի մասին եք խոսում։ Այս պահին, որքանով ես գիտեմ, մենք բանակցություններ չենք վարում, ՀԱՄԱՍ-ը դադարեցրել է դրանք սեփական նախաձեռնությամբ»,- դեսպանի խոսքերն է մեջբերում BBC-ի ռուսական ծառայությունը։
Նա հավելել է, որ Իսրայելը պահանջում է բոլոր պատանդների ազատ արձակում և ճիշտ չի համարում նրանց մաս-մաս «ազատ արձակելը»:
Ավելի վաղ հաղորդվել էր, որ ՀԱՄԱՍ-ի զինյալները պատրաստ են ազատ արձակել իրենց մոտ գտնվող կանանց ու երեխաներին։ Փոխարենը ՀԱՄԱՍ-ը պահանջել է ազատ արձակել իսրայելական կողմում գտնվող բանտարկյալներին, վառելանյութ և հավելյալ մարդասիրական օգնություն տրամադրել:
