16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ԱՄՆ բյուջեն՝ առանց Ուկրաինային օգնության. Բայդենը ստորագրել է ժամանակավոր բյուջեի նախագիծը
Քաղաքականություն
17.11.2023 | 18:34
Նոյեմբերի 16-ին ԱՄՆ նախագահ Ջո Բայդենը ստորագրել է բյուջեի ժամանակավոր օրինագիծը, որն օգնություն չի նախատեսում Ուկրաինային և Իսրայելին։ Այսպիսով, ԱՄՆ-ին հաջողվեց խուսափել «շաթդաունից»։ Այս մասին հայտնում է Սպիտակ տունը։
Նշվում է, որ ԱՄՆ մի շարք դաշնային գործակալություններ ֆինանսավորում են ստացել մինչև 2024 թվականի հունվարի 19-ը՝ ծրագրերն ու գործառնությունները երկարաձգելու համար։ Մի շարք այլ պետական մարմիններ ժամանակավոր բյուջեով կֆինանսավորվեն մինչև 2024 թվականի փետրվարի 2-ը։
Հիշեցնենք, որ օրերս ԱՄՆ Կոնգրեսի Ներկայացուցիչների պալատն իր հերթական նիստում ընդունել էր բյուջե, որով երկու ամսով ֆինանսավորվում է կառավարությունը՝ առանց Ուկրաինային օգնության։
Ավելի վաղ ԱՄՆ Ներկայացուցիչների պալատը հաստատել էր կառավարության ժամանակավոր ֆինանսավորումը, որը կխուսափի, այսպես կոչված, «շաթդաունից»։ Սպիտակ տունը մինչև նոյեմբերի կեսերը փորձում էր Ուկրաինայի համար փոխզիջումային 6 միլիարդ դոլար ներառել բյուջեի նախագծում, սակայն այս նախաձեռնությունը բավարար ձայներ չհավաքեց։
