15.01.2026 | 20:00
ԱՄՆ-ն ունի մեծ լծակ Ադրբեջանի վրա ազդելու, որ ՀՀ վերադարձվեն բոլոր պատժաչափ ունեցող գերիները․ Դիանա Կարապետյան. ՏԵՍԱՆՅՈՒԹ
«Հայաստանն այլանդակ արշավ է մղում մեր դեմ»․ Բաքվի Մեջլիսի նախագահը՝ Մատվիենկոյին
Քաղաքականություն
17.11.2023 | 13:40
Ադրբեջանի Միլի Մեջլիսի նախագահ Սահիբա Գաֆարովան նախօրեին Ղրղզստան կատարած աշխատանքային այցի շրջանակում հանդիպել է Ռուսաստանի Դաշնության Դաշնային խորհրդի նախագահ Վալենտինա Մատվիենկոյի հետ, գրում են ադրբեջանական լրատվամիջոցները։
Գաֆարովան Մատվիենկոյի հետ զրույցում դժգոհել է Հայաստանից ու անհիմն մեղադրանքներ հնչեցրել։
«Հայաստանը Ադրբեջանի առաջարկած խաղաղության համաձայնագիրը ստորագրելու փոխարեն միջազգային հարթակներում այլանդակ արշավ է մղում մեր երկրի դեմ՝ փորձելով շինծու մեղադրանքներով մոլորեցնել միջազգային հանրությանը»,-ասել է Գաֆարովան։
Նա արդարացրել է Արցախի դեմ սեպտեմբերի 19-ին իրականացված ռազմական ագրեսիան ու էթնիկ զտումը։ Միաժամանակ, Գաֆարովան հայտարարել ,է թե «Ադրբեջանը ցանկանում է տարածաշրջանում ապահովել մշտական խաղաղություն և անվտանգություն, իսկ խաղաղության համաձայնագրի ստորագրումը կհանգեցնի տարածաշրջանում մշտական կայունության և անվտանգության հաստատմանը»։
Մեջլիսի խոսնակը նաև ափսոսանք ու դժգոհություն է հայտնել, որ «որոշ երկրներ միացել են Ադրբեջանի դեմ ստի արշավին»։
Էմմա Չոբանյան
