15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
Էստոնիան և Նորվեգիան, հետևելով Ֆինլանդիային, պատրաստվում են փակել ՌԴ-ի հետ սահմանը
Քաղաքականություն
17.11.2023 | 16:09
Էստոնիան և Նորվեգիան դիտարկում են Ռուսաստանի հետ սահմանային անցակետերը փակելու հարցը՝ Ֆինլանդիայի համանման որոշումից հետո։ Էստոնիայի սահմանային ծառայության ղեկավար Վեյկո Կոմմուսաարը Postimees-ին հայտնել է, որ Տալլինը տեղյակ է միգրանտների հոսքի պատճառով չորս անցակետերի գործունեությունը դադարեցնելու Հելսինկիի որոշման մասին։
Նրա խոսքով՝ դա «կարող է նշանակել, որ մարդիկ, ովքեր մինչ այժմ հավաքվել են այս սահմանների մոտ, կհայտնվեն Էստոնիայի սահմանային անցակետերում»։
Կոմմուսաարը նշել է, որ իշխանություններն ուշադիր հետևում են իրավիճակին և պատրաստ են անհրաժեշտության դեպքում կանխել ցանկացած անօրինական միգրացիա, ինչը «կարող է նշանակել անցակետերի մասնակի կամ ամբողջական փակում»։
Նմանատիպ հայտարարություն է արել նաև Նորվեգիայի արդարադատության նախարարության ղեկավար Էմիլի Էնգեր Մեհլը։ Երկիրը Ռուսաստանի հետ մեկ սահմանային հսկողության կետ ունի՝ Ստորսկոգում: Նախարարը նշել է, որ անցակետում իրարանցում չկա։
