09.01.2026 | 23:33
Մի խումբ քահանաներ միանում են վարչապետի՝ «եկեղեցու բարենորոգման» հայտարարությանը, մյուսները՝ զորակցում Կաթողիկոսին
Հրապարակի շենքերի վրա բացված որոշ անցքեր չեն փակվել․ փոխքաղաքապետը հակառակն է պնդում. ԵզրաԿԱՑՈՒԹՅՈՒՆ. ՏԵՍԱՆՅՈՒԹ
Հաղորդաշարեր
16.11.2023 | 18:45
Ամանորյա տոնական լույսերն ամրացնելու համար անցյալ տարի պատմամշակութային արժեք ունեցող հանրապետական նշանակության հուշարձան-շենքերի վրա անցքեր էին բացվել։ Ճարտարապետները դա վանդալիզմ էին որակել։ Երևանի քաղաքապետարանից հայտնել էին, որ անցքերը տոների ավարտից հետո կլցվեն։ Այսօր փոխքաղաքապետ Սուրեն Գրիգորյանն ասաց, որ անցած տարի բացված անցքերը փակվել են, այս տարի էլ անցքեր կարվեն և կրկին կլցվեն։
«Էլի անցքեր լինելու են, բայց դրանք լինելու են անհամեմատ ավելի փոքր քանակով և հիմնականում լինելու են այն անցքերը, որոնք անցած տարի բացվել էին, լցվել և այս տարի նորից բացվելու են, օգտագործվելու են և, ինչպես անցած տարի էր՝ ծրագրի իրականացումից հետո լցվելու են»,- ասաց փոխքաղաքապետը։
Factor TV-ի տեսախցիկը, սակայն, այսօր արձանագրել է, որ Հանրապետության հրապարակի պատմամշակութային հուշարձան-շենքերի պատերին մնում են դեռևս նախորդ տարվանից արված անցքեր, որոնք չեն փակվել։
Մանրամասները՝ տեսանյութում։
Արփի Հակոբյան
