30.05.2026 | 10:27
ՌԴ-ն Կոպիրկինին կանչել է Մոսկվա՝ ՀՀ–ԵՄ մերձեցման պատճառով
Մատվիենկոն հայտարարել է, թե «Արևմուտքը մտադիր էր Բաքվի ու Երևանի միջև կոնֆլիկտ հրահրել, Ադրբեջանի վրա ճնշում է գործադրվել»
Քաղաքականություն
16.11.2023 | 19:38
Արևմտյան պետությունները մտադիր էին միայն հակամարտություն հրահրել Ադրբեջանի և Հայաստանի միջև։ Այս մասին հայտարարել է ՌԴ Դաշնային խորհրդի նախագահ Վալենտինա Մատվիենկոն Ադրբեջանի Միլլի Մեջլիսի նախագահ Սահիբա Գաֆարովայի հետ հանդիպման ժամանակ, գրում են ադրբեջանական լրատվամիջոցները։
«Ռուսաստանը, ինչպես գիտեք, առաջին քայլերից միշտ ակտիվ մասնակցություն է ունեցել Հարավային Կովկասում կայունության և խաղաղության ապահովման գործում: Սա շատ կարևոր է մեզ համար: Մենք տեսնում ենք, որ արևմտյան պետությունները միայն հակամարտություն հրահրելու նպատակ են ունեցել, մենք չենք տեսել դրական քայլեր խաղաղության օրակարգի առաջմղման համար։ Ադրբեջանի վրա ճնշում է գործադրվել տարբեր հարթակներում, և դա ոչ մի լավ բանի չի հանգեցնի»,- ասել է Մատվիենկոն։
Նա նշել է, որ ռուս-ադրբեջանական հարաբերությունները գնալով զարգանում են, և երկու երկրների նախագահները մշտական կապի մեջ են։
«Իհարկե, մեր դաշնակցային հարաբերությունների մասին համաձայնագիրը մեր նախագահների կարևոր քայլն ու որոշումն էր։ Դա նոր որակներ և հեռանկարներ է հաղորդել մեր երկկողմ հարաբերությունների զարգացմանը։ Այսօր արդեն քննարկվում են Ռուսաստանի և Ադրբեջանի մասնակցությամբ խոշոր ենթակառուցվածքային, միջտարածաշրջանային, միջպետական նախագծերի հարցեր»,- հավելել է Մատվիենկոն։
Էմմա Չոբանյան
