07.10.2026 | 14:45
Արմավիրի մարզում հրդեհային անվտանգության խախտումների պատճառով 4 գազաբենզալցակայան կապարակնքվել է
ԵՄ-ն պատժամիջոցներ է նախապատրաստում Պուտինի ազգականի և Մեդվեդևի որդու դեմ
Քաղաքականություն
16.11.2023 | 21:13
Եվրամիությունը Ռուսաստանի Դաշնության դեմ պատժամիջոցների 12-րդ փաթեթի շրջանակում նախատեսում է տասնյակ նոր անձանց ներառել սև ցուցակում։ Խոսքը, մասնավորապես, ՌԴ Անվտանգության խորհրդի փոխնախագահ Դմիտրի Մեդվեդևի որդու և ՌԴ նախագահ Վլադիմիր Պուտինի ազգականի մասին է, գրում է The Guardian-ը։
Եվրահանձնաժողովը ցանկանում է գործող պատժամիջոցների ցուցակներում ավելացնել 47 անձի։ Ցուցակում է Պուտինի զարմուհի Աննա Ցիվիլևւան, որը գլխավորում է Ուկրաինայում կռվող ռուս զինվորներին աջակցող «Հայրենիքի պաշտպաններ» հիմնադրամը։
Առաջարկվող պատժամիջոցների ցանկում ներառված է Իլյա Մեդվեդևը, ում անունն ու ծննդյան տարեթիվը համընկնում են ՌԴ նախկին նախագահ Դմիտրի Մեդվեդևի միակ որդու անվան և ծննդյան տարեթվի հետ։ Նա կասկածվում է Ուկրաինայում ապատեղեկատվության և քարոզչական արշավ կազմակերպելու մեջ։
Պարբերականը ենթադրում է, որ Եվրամիության կողմից պատժամիջոցների ցուցակներում ռուս պաշտոնյաների հարազատներին ներառելը Կրեմլի զայրույթի պատճառ կդառնա։
