02.11.2024 | 11:21
Նավթի գները նվազել են
Գերմանիայում ոստիկանությունը զանգվածային ռեյդեր է իրականացնում երկրի իսլամական կենտրոններում
Քաղաքականություն
16.11.2023 | 20:41
Գերմանիայում վաղ առավոտից հարյուրավոր ոստիկաններ գործողություններ են իրականացրել երկրում՝ փնտրելով իսլամիստների, որոնք կապված են Իրանի կողմից աջակցվող լիբանանյան «Հըզբոլլահ» խմբավորման հետ, գրում է BBC-ի ռուսական ծառայությունը։
Գերմանիայի ՆԳՆ-ն հայտարարել է, որ խուզարկություններ է անցկացնում 54 օբյեկտներում, որոնք կապված են Համբուրգի Իսլամական կենտրոնի հետ 7 դաշնային տարածքներում։
Ոստիկանական գործողությունը տեղի է ունենում Իսրայելի և ՀԱՄԱՍ-ի միջև պատերազմի ֆոնին Գերմանիայում հակասեմականության աճը կասեցնելու ջանքերի շրջանակում:
«Մենք տեսադաշտից դուրս չենք թողնում իսլամիստական տեսարանը։ Այն ժամանակ, երբ շատ հրեաներ իրենց հատկապես վտանգված են զգում, Գերմանիան չի հանդուրժի իսլամիստական քարոզչությունը կամ Իսրայելի դեմ թշնամական հակասեմական հրահրումը»,- ասել է ներքին գործերի նախարար Նենսի Ֆեզերը։
Հոկտեմբերի 7-ին Իսրայելի վրա հարձակումից հետո Գերմանիան արգելել է ՀԱՄԱՍ-ի և նրան կից կազմակերպությունների գործունեությունը։ Համբուրգի Իսլամական կենտրոնն արդեն իսկ գտնվում էր գերմանական ներքին հետախուզության հսկողության տակ և, ըստ ՆԳՆ-ի, նրա գործունեությունն «ուղղված է Իրանի գերագույն առաջնորդների հեղափոխական հայեցակարգի տարածմանը, որը, ենթադրաբար, խախտում է Գերմանիայում սահմանադրական կարգը»։
Ոստիկանական գործողություններն իրականացվել են ապացույցներ հավաքելու համար, որ Համբուրգի կենտրոնը և նրան հարակից հինգ այլ խմբավորումներ աջակցում են «Հըզբոլլահի» գործունեությանը: Խուզարկությունների ընթացքում ձերբակալվածների մասին տեղեկություններ չկան։
Էմմա Չոբանյան
