02.11.2024 | 13:33
Հրդեհ Աքորի գյուղում, այրվել է տան տանիք
«Արդյունավետ քննարկում». Ջո Բայդենն ու Սի Ցզինպինը կվերականգնեն ռազմական շփումները
Քաղաքականություն
16.11.2023 | 15:08
ԱՄՆ և Չինաստանի նախագահներ Ջո Բայդենի և Սի Ցզինպինի միջև բանակցությունները գրանցվել են մի քանի ամիս տևած շփումներից հետո՝ Թայվանի շուրջ առեւտրային վեճերի եւ տարաձայնությունների ֆոնին։ ԱՄՆ-ը և Չինաստանը պայմանավորվել են վերականգնել ռազմական շփումները ամենաբարձր մակարդակով և միջոցներ ձեռնարկել թմրամիջոցների ապօրինի շրջանառության դեմ պայքարելու և օփիոիդ ֆենտանիլի արտադրությունը սահմանափակելու համար. սրանք են Ջո Բայդենի և Սի Ցզինպինի մեկ տարվա ընթացքում առաջին անձնական հանդիպման ակնկալվող արդյունքները, հաղորդում է Euronews-ը:
Նշվում է, որ Կալիֆորնիայում APEC գագաթնաժողովի շրջանակում ԱՄՆ-ի և Չինաստանի ղեկավարների բանակցությունների նպատակն է վերացնել մտավախությունները, որ երկու տերությունները կարող են բաց հակամարտության մեջ մտնել Հնդկա-խաղաղօվկիանոսյան տարածաշրջանում:
«Առաջիկա ամիսներին մենք պատրաստվում ենք պահպանել դիվանագիտությունը ՉԺՀ-ի հետ ամենաբարձր մակարդակով, բաց կպահենք կապի ուղիները, այդ թվում՝ նախագահ Սիի հետ: Մենք պայմանավորվեցինք պատասխանել հեռախոսազանգերին, մեզանից յուրաքանչյուրը կարող է ուղղակիորեն զանգահարել և նրան կլսեն»,- լրագրողներին ասել է Ջո Բայդենը։
Չինական պաշտոնական լրատվամիջոցները հաղորդում են, որ Սի Ցզինպինը Վաշինգտոնին կոչ է արել «հրաժարվել ճնշելու կամ զսպելու քաղաքականությունից»։ Նա նաև ԱՄՆ-ին կոչ է արել դադարեցնել Թայվանին զինելն ու աջակցել Չինաստանի «խաղաղ վերամիավորմանը», ինչը, ըստ նրա, «չի կարող կանգնեցվել»:
«Ես նաև ընդգծել եմ Թայվանի նեղուցում խաղաղության և կայունության կարևորությունը»,- ասել է Բայդենը։
